O Círculo das Artes acolle un Concerto de Solistas acompañados da Orquestra de Lugo Terra Nova.
Trátase dun concerto con dous solistas, onde o público lucense poderá gozar do talento novo de Virginia do Cura Miranda, que interpretará o Concerto para Violoncelo Nº1 en Do Maior de F.J. Haydn, acompañada polo Ensemble de Música Antiga da Orquestra; e de Adrián Sánchez Ballesteros co Concerto para Piano na menor, de R. Schumann, acompañado por toda a formación.
Será o domingo 25 de febreiro ás 18.30 horas no Salón Rexio do Círculo. Entrada libre até completar aforamento.