O acto forma parte do proxecto Europa Creativa que celebra o centenario do máis famoso dos libros do escritor James Joyce.
Lugo. 18/Maio/2023
O Círculo das Artes será o escenario para representar a lectura danzada do capítulo VIII do Ulises de Joyce. Lugo foi a cidade española elixida para celebrar, xunta a outro dezasete capitais europeas, o centenario da publicación do máis famoso dos libros do escritor irlandés James Joyce, cun completo programa literario, artístico e gastronómico.
Cada unha das 17 capitais europeas recreará un capítulo desta obra mestra da literatura universal e que supuxo unha revolución na historia da novela. Será o capítulo oitavo, Lestrigones, o que se festexará en Lugo. A lectura danzada do capítulo correrá a cargo da Asociación lucense para a promoción de artes escénicas, 3Monos.
Será mañá venres 19 de maio ás 16.30 no Salón de Columnas. Entrada libre até completar aforamento.