O Círculo das Artes acollerá o concerto Iacobum Celebret, dentro do programa LugCultural.

Lugo. 7/Maio/2022

O concerto Iacobum Celebret: melodías xacobeas será interpretado polo Coro Universitario de Santiago de Compostela no Círculo das Artes. Trátase dun concerto conmemorativo do 200 aniversario da morte de Melchor López Giménez. Dirixido por Miro Moreira, presenta un programa de música sacra baseado na elección de obras dos mestres de capela da catedral compostelá, prestando especial atención á figura de Melchor López Giménez.

Será o vindeiro domingo 8 de maio ás 20.00 h. no Salón Rexio.

Entrada libre até completar aforamento.