Abertas as inscricións para o curso de formación como Dj que comeza o próximo 22 de novembro.
Lugo. 8/Novembro/2024
O Círculo das Artes estrea a súa nova programación de lecer alternativo dirixida aos mozos de 15 a 26 anos, cun curso intensivo de Dj, que estará impartido por DJ StormCloud.
Este curso ten como obxectivo que o alumno entenda e aprenda todas as funcións dun Dj, desde a correcta selección musical até as técnicas e recursos que lle permitan converter a pista de baile nun lugar pleno de diversión e emoción. Dámosche as bases para converterche nun DJ profesional, e triunfar neste mundo. Ademais os asistentes poderán pór en práctica o aprendido picando na festa de fin de ano do Círculo das Artes.
O curso terá lugar os venres de 17 a 20 horas, entre o 22 de novembro e o 20 de decembro.
Os interesados deberán inscribirse desde hoxe até o 15 de novembro nas oficinas do Círculo ou ben a través do correo electrónico circulodelasartes@yahoo.es. Hai prazas limitadas.