O Círculo das Artes dá un paso máis na súa proposta de conciliación.
Lugo. 1/Febreiro/2023
O Círculo lanza por primeira vez o Programa Concilia Entroido 2023. Trátase dun programa dirixido á atención lúdica dos nenos e nenas durante o período vacacional, coa finalidade de favorecer a conciliación da vida persoal, familiar e laboral das familias.
Haberá un amplo programa de actividades, que inclúe talleres plásticos, manualidades, xogos populares, xincanas e ludoteca entre outros, da man de monitores especializados e con merenda incluída. A diversión está garantida.
Será o luns 20 e o mércores 22 de febreiro de 9 a 14 horas. A inscrición xa está aberta e poderá formalizarse nas Oficinas do Círculo, ou a través do correo electrónico circulodelasartes@yahoo.es. Prazas limitadas.