Dez axentes do corpo nacional de policía xuraron os seus cargos esta tarde no salón rexio do Círculo das Artes.
Nunha cerimonia solemne e emotiva os novos axentes formalizaron en Lugo un acto que se celebrou sempre na escola de Ávila: acatar a Constitución e o resto do ordenamento xurídico? e tomar posesión.
Por primeira vez na historia da Policía Nacional, e debido ás medidas impostas tras a pandemia provocada polo COVID-19, a cerimonia, que sempre era multitudinaria, substituíuse por actos reducidos e descentralizados pero igualmente cargados de emotividade e simbolismo.
A xunta directiva do Círculo das Artes, en nome dos socios da entidade, felicita aos novos axentes e a todos os seus compañeiros do Corpo Nacional de Policía.
A eles e o resto de membros dos corpos e forzas de seguridade do Estado, agradecémoslles o seu traballo e o seu compromiso a favor da defensa do noso estado de dereito.