O Círculo das Artes acolle un concerto de Cosmos Quartet, programado pola Sociedade Filarmónica lucense. Bernat Prat e Helena Satué, ao violín, Lara Fernández á viola, e Oriol Prat, ao violonchelo, interpretarán pezas de W.A. Mozart, A. Webern, O. Rumbau e J. Brahms.
Será este mércores 10 de abril ás 20.00 horas, no Salón Regio do Círculo das Artes. Os socios do Círculo poderán beneficiarse dun 25 por cento de desconto no prezo da entrada.