O Círculo organiza un chikiocio de experimentos científicos, para espertar a curiosidade dos nenos e desenvolver a súa capacidade de explorar, experimentar e descubrir o mundo que lles rodea.
De forma educativa, interactiva e moi divertida, os participantes realizarán distintos experimentos onde traballarán as reaccións químicas, a presión atmosférica, a química forense e a relación entre ciencia e astronomía.
A inscrición xa está aberta e poderá formalizarse nas oficinas do Círculo ou ben a través do correo electrónico circulodelasartes@yahoo.es. Está dirixido a nenos de 4 a 13 anos. Haberá varios grupos, o venres 26 de abril ás 17.00 e ás 19.00 horas e o sábado 27 de abril ás 10.30 e ás 12.30 horas.