O Círculo das Artes oferta campamentos de verán
Lugo. 31/Maio/2022
O 22 de Xuño arrinca unha nova edición dos campamentos de verán do Círculo das Artes, que se prolongarán até o 31 de Xullo e do 29 de agosto ao 7 de setembro.
Os participantes poderán gozar de moitas e variadas actividades: procuras do tesouro, yincanas, scape room, predeporte, talleres de cociña e ciencia, manualidades e reciclaxe, coreografías, festas da auga, e moito máis, actividades deseñadas e adaptadas para cada segmento de idade e impartidas por monitores especializados.
Poden inscribirse niñ@s de entre 4 e 12 anos. Terán lugar en horario de 10.00 a 14.00 horas, de luns a venres, con posibilidade de asistir a madrugadores a partir das 9.00 horas. A inscrición será semanal, teñen un custo de 45 euros, e inclúe merenda. O servizo de madrugadores suporá unha recarga de 5 euros.
O prazo para apuntarse nos campamentos do Círculo ábrese este mércores, 1 de xuño. Poderá formalizarse nas oficinas do Círculo, telefónica ou telemáticamente a través do correo electrónico circulodelasartes@yahoo.es.