Lugo. 12/xaneiro/2018

O Círculo das Artes de Lugo retoma hoxe as actuacións musicais incluídas no ciclo Venres de Círculo e faino coa actuación de Suite Bengala, un dos grupos que máis éxito conseguiu de cuantos actuaron no salón de columnas. O conxunto lucense levará o seu pop rock e a súa música de rock alternativo ao Círculo, a partir das 23.30 horas. Trátase dun grupo integrado por Nano Veiga (guitarra e voz), Roy Alvárez (guitarra e voz), Alejandro Mantiñán (baixo), Paco Carballada (batería) e Rachell Blanc (voz), que basea o seu espectáculo en versións de temas dos 80 e os 90, ademais dalgunhas versións de música actual. Con todo, para este comezo do ano está previsto que Suite Bengala presente algúns dos seus temas propios.