Celebrarase o próximo 21 de outubro pola mañá e contará co instagramer Pablo David Martín e co experto en fotografía móbil Rodrigo Rivas Llave
Lugo. 11/outubro/2017
O Círculo das Artes amplía a súa oferta de actividades relativas ás distintas expresións artísticas e faino con novas propostas centradas na fotografía, pero profundando nos soportes propios da fotografía actual. Para iso, o próximo 21 de outubro, das 10.30 ás 14.00 horas, celebrarase o taller “Instagram y Fotografía Móvil”, impartido polo instagramer Pablo David Martín e o experto en fotografía móbil Rodrigo Rivas Llave. Neste curso abordaranse distintos temas como as boas prácticas en Instagram, as claves para triunfar nesta rede social de imaxes, seguridade e márketing en Instagram, ademais de apps de edición e edición de fotografías. Os socios e socias interesados en participar nesta iniciativa, deberán apuntarse nas oficinas do Círculo das Artes, en horario de tarde. Xa está aberto o prazo de inscrición, que se manterá aberto ata o próximo día 20 de outubro, ou ben ata que se cubran as prazas dispoñibles.