Os socios do Círculo poderán beneficiarse de importantes descontos nas tarifas do club deportivo
Lugo. 30/xaneiro/2018
Desde hoxe os socios do Círculo das Artes de Lugo e os do centro deportivo D10, situado en Outeiro de Rei, poderán beneficiarse de descontos e importantes vantaxes nas actividades organizadas por ambas entidades, grazas ao acordo de colaboración asinado na tarde de hoxe. O presidente do Círculo, Miguel Caraduje Somoza, e o administrador de D10, Leovigildo Real Guerreiro, asinaron o convenio que durante o próximo ano permitirá unha maior colaboración de ambas entidades a favor da promoción de actividades sociais, culturais e deportivas, co intercambio de servizos.
Ademais de difundir o presente convenio e os seus beneficios para os asociados de ambas entidades a través das súas canles internas de comunicación, o convenio asinado hoxe establece importantes beneficios para os preto de 5.000 socios do Círculo. Así, o centro deportivo D10 establecerá prezos especiais nas escolas de padel, tenis e natación. Ademais, todos os socios do Círculo das Artes terán a condición de abonados de D10 para as tarifas do centro deportivo.