O Círculo acolle mañá ao grande o concerto dos Gin Toni’s

O grupo do Saviñao ofrece un repertorio repleto dos temas míticos do pop e o rock español das últimas décadas

Lugo. 24/xaneiro/2019

Divertirse, bailar e pasalo ben rememorando os temas míticos do pop e o rock español das últimas décadas. Todo isto ofrecerá mañá o grupo Os Gin Toni’s, que celebrará un concerto no Círculo das Artes, na que é a súa primeira visita a esta sociedade. Desde as 23.30 horas, no salón de columnas se sucenderán as cancións máis coñecidas de grupos e solistas como Sabina, Hombres G, Manolo García, Lo Secretos, Siniestro Total, Revolver, Tequila, Celtas Cortos, Mc Clan, e Fito y los fitipaldis, entre outros. Un repertorio que, durante aproximadamente dúas horas de concerto, non deixará indiferente a ninguén.
O grupo do Saviñao, constituído en 2013, logrou facerse un sitio no panorama musical non só de Lugo senón do resto de Galicia, e cada vez son máis habituais en grandes festas e eventos galegos. Os seus integrantes, todos eles músicos experimentados e con longas traxectorias profesionais, souberon crear un repertorio acorde aos gustos de varias xeracións ao que se suma un bo directo, cunha diversión no escenario, que se traslada ao público.

By |2019-01-24T18:48:26+00:00Xaneiro 24th, 2019|GL|0 Comments