O XXIII OPEN SAN FROILÁN COMEZA HOXE NO CÍRCULO COA PARTICIPACIÓN DE 42 XOGADORES DE TODA GALICIA

 Trátase do primeiro dos seis campionatos autónomicos galegos, que conta coa participación de sete clubes e do equipo anfitrión do Círculo das Artes

 Lugo.30/setembro/2019

 O Círculo das Artes de Lugo acollerá estar tarde o XXIII Open San Froilán de billar a tres bandas, un campionato co que ademais comezará a tempada de billar a tres bandas, coa disputa de seis autonómicos, o primeiro este open San Froilán. Durante toda esta semana, as instalacións do Círculo acollerán partidas en distintos horarios para celebrar a final do open o vindeiro sábado á tarde. Así, tras as partidas de hoxe ás 17:00 e as 19:30, está previsto que se xogue partidas de martes a Venres, con catro ás 17:00 e outras tantas ás 19:00 horas. Xa o sábado, haberá catro partidas a partir das 11.30, das que coñeceranse os xogadores que poderán disputar as semifinais, ás 17:00 horas, e a gran final, ás 19:30 do mesmo sábado.

O Círculo das Artes é o equipo local deste primeiro open autonómico, no que haberá un total de 11 clubes de toda Galicia, e 42 xogadores inscritos. Oito deles integran o equipo de billar a tres bandas do Círculo das Artes. Trátase de José Luis López Díaz, Manuel Bargueiras Castro; Juan José Cerecedo Lage; Manuel Rodríguez Fernández; José Manuel Pérez López; Jacobo Daviña Gayoso; José Ramón González Ventosinos e Juan Ramón Somoza Argibay.