El Círculo de las Artes cierra mañana las reservas para la cena de Arde Lucus del Sábado

El Círculo de las Artes cierra mañana las reservas para la cena de Arde Lucus del Sábado

Lugo /28/xuño/2017

O Círculo das Artes pechará mañá o prazo para reservar mesa e asistir á cea de Arde Lucus para socias e socios, do vindeiro sábado, 1 de xullo, no salón de columnas da Sociedade.  Ao igual que o ano pasado, poderán asistir as nenas e nenos maiores de 8 anos sempre e cando veñan acompañados dos seus pais.

Os interesados en asistir a este evento aínda poden apuntarse, de 17:00 a 21:00 horas, nas oficinas da sociedade, ata completar o aforo. Nesta segunda edición, os comensais recibirán a visita dos soldados da garda Pretoriana.

O prezo do menú será de 20 euros para os socios e de 30 para os invitados, que poderán acompañar aos socios, sempre e cando acrediten co seu DNI que están empadroados fóra da provincia de Lugo. Neste caso será o socio do Círculo o encargado de retirar as correspondentes tarxetas de reserva.

O menú, servido polo Ambigú do Círculo, constará de gustatio, a base de empanada, chourizo, queixo e lacón asado; Vitellina in furnum (carne de ternera) e de postre, dulcia de nuce et melle, xunto coa bebida, o pan e o café.

Ademais, tanto o venres 30 de xuño como o sábado 1 de xullo, o comedor privado con vistas á muralla da zona nova, ofrecerá tamén menús especiais, a un prezo de 20 euros, para cear o venres e comer o sábado, para despois continuar a festa romana pola cidade de Lugo. Os interesados tamén deberán reservar a súa mesa no Ambigú do Círculo.

By | 2017-06-29T20:18:46+00:00 junio 29th, 2017|ES|0 Comments